Gamayyar gwamnatin tarayya, jihohi da ƙananan hukumomi sun karɓi rabon kuɗi jimillar naira tiriliyan 2.001 daga kuɗaɗen Asusun Tarayya na watan Yulin 2025, a cewar taron FAAC da aka gudanar a Abuja.
Jimillar abin da aka raba ya ƙunshi kuɗaɗe na doka naira tiriliyan 1,282.872, harajin VAT naira biliyan 640.610, Electronic Money Transfer Levy naira biliyan 37.601 da kuma bambancin musayar kuɗaɗe naira biliyan 39.745.
FAAC ya ce an samu kuɗin shiga na cikin gida naira tiriliyan 3.836.980 ciki har da ragowar da aka cire domin kuɗin taru naira biliyan 152.681 da kuma canje-canje da aka yi na tura kuɗaɗen, tallafi da ajiyar naira tiriliyan 1.683.471.
Daga cikin naira tiriliyan 2.000.828 da aka raba, Gwamnatin Tarayya ta karɓi naira biliyan 735.081, gwamnatocin jihohi sun samu naira biliyan 660.349, yayin da ƙananan hukumomi 774 suka samu naira biliyan 485.039.
An kuma raba naira biliyan 120.359 a matsayin kuɗin derivation ga jihohin da suka amfanar, yayin da FAAC ta bayyana cewa kuɗaɗen PPT, royalties, EMTL da excise sun ƙaru yayin da CIT da wasu cajikan suka ragu.
FAAC ya lura cewa gross statutory revenue na watan ya ragu idan aka kwatanta da watan Yunin 2025, amma VAT ya ɗan ƙaru, abin da ke nuna samun canje-canjen tattalin arziƙi da ke shafar rabon kasafin kuɗi.
Wannan rabon ya jawo muhimman tambayoyi game da yadda za a yi amfani da kuɗaɗen wajen ayyukan raya ƙasa da kula da hauhawar farashi a jihohi musamman a arewacin Najeriya.